आधार तू जीवनी | Aadhar Tu Jeevani

सोनफूल तू, रानवेल मी, सोड हा अविचार तू
आधार तू, जीवनी आधार तू !

कोठली मी? तू कुणाचा? योग आला दो जिवांचा
शून्य माझ्या अंतरीचा उजळला अंधार तू !

चांदण्याचा हा फुलोरा, रोमरोमी ये शहारा
दिवसरात्री उधळला रे आगळा शृंगार तू

तू विसावा प्राणनाथा, प्रीतीचा सौभाग्यदाता
सोनियाच्या पाउलांनी दिपविला संसार तू

गीत	–	जगदीश खेबूडकर
संगीत	–	प्रभाकर जोग
स्वर	–	आशा भोसले
चित्रपट	–	चुडा तुझा सावित्रीचा
गीत प्रकार	–	चित्रगीत