आई कुणा म्हणू मी | Aai Kuna Mhanu Mi

आई कुणा म्हणू मी तुजवीण सांग आई?
इतुकेच सांगण्याला येशील का ग आई?

तोडीत ना फुलाला वेली स्वये कधीही
सोडून तू मुलाला गेलीस का ग आई?

रागावण्या तुलाही मजवीण बाळ नाही
बाळाविना तुलाही कोणी म्हणेल आई?

चुकतो असेन मी गे म्हणतो तुला मी आई
चुकलीस तू परि का होऊन माझी आई?

गीत	–	पी. सावळाराम
संगीत	–	वसंत प्रभू
स्वर	–	आशा भोसले
चित्रपट	–	पुत्र व्हावा ऐसा
गीत प्रकार	–	आई, चित्रगीत