आधी बीज एकलें | Aadhi Beej Ekale

आधी बीज एकलें
बीज अंकुरलें रोप वाढलें

एका बीजापोटीं, तरू कोटी
कोटी जन्म घेती सुमनें-फलें

व्यापुनि जगता तूंहि अनंता
बहुविध रूपें घेसी, घेसी
परि अंती ब्रह्म एकलें

गीत	–	शांताराम आठवले
संगीत	–	केशवराव भोळे
स्वर	–	विष्णुपंत पागनीस
चित्रपट	–	संत तुकाराम
गीत प्रकार	–	भक्तीगीत, चित्रगीत
		टीप – • ‘शुद्धबीजा पोटीं । फळें रसाळ गोमटीं’ या संत तुकारामांच्या रचनेने स्फूर्ती घेऊन शांताराम आठवले यांनी हे गीत लिहिले.