वृंदावनी वेणु कवणाचा | Vrindavani Venu

वृंदावनी वेणु कवणाचा माये वाजे ।
वेणुनादें गोवर्धनु गाजे ॥१॥

पुच्छ पसरूनि मयूर विराजे ।
मज पाहतां भासती यादवराजे ॥२॥

तृणचारा चरूं विसरली ।
गाईव्याघ्र एके ठायीं जालीं ।
पक्षीकुळें निवांत राहिलीं ।
वैरभाव समूळ विसरली ॥३॥

ध्वनी मंजुळ मंजुळ उमटती ।
वांकी रुणझुण रुणझुण वाजती ।
देव विमानीं बैसोनि स्तुती गाती ।
भानुदासा फावली प्रेम-भक्ति ॥४॥

गीत	–	अजितकुमार कडकडे
गीत प्रकार	–	हे श्यामसुंदर, संतवाणी