आईसारखे दैवत सार्‍या | Aai Sarakhe Daivat Sarya

आईसारखे दैवत सार्‍या जगतावर नाही
म्हणून श्रीकाराच्या नंतर शिकणे अ, आ, ई
मुलांनो शिकणे अ, आ, ई

तीच वाढवी ती सांभाळी
ती करी सेवा तीन त्रिकाळी
देवानंतर नमवी मस्तक आईच्या पायी

कौसल्येविण राम न झाला
देवकीपोटी कृष्ण जन्मला
शिवरायाचे चरित्र घडवी माय जिजाबाई

नकोस विसरू ऋण आईचे
स्वरूप माउली पुण्याईचे
थोर पुरुष तू ठरून तियेचा होई उतराई

गीत	–	ग. दि. माडगूळकर
संगीत	–	दत्ता डावजेकर
स्वर	–	सुमन कल्याणपूर
चित्रपट	–	वैशाख वणवा
गीत प्रकार	–	बालगीत, आई, चित्रगीत