आज इथं तर उद्या तिथं | Aaj Itha Tar Udya Titha

रानपांखरा, दोन दिसांची दुनियेची दौलत
आज इथं तर उद्या तिथं !

जेथे चारा तेथे थारा
जिथे देणगी तिथे नगारा
जाऊ तेथे निशाण रोवू ते अपुले दैवत !

मिळता खाणे गाता गाणे
जगायचे तर सुखात जगणे
गावाहुन ही बरी आपणां वार्‍याची संगत !

वारा नेइल तिकडे जाऊ
एकसुराने गाणी गाऊ
मिळेल तुकडा पुरे तेवढा, त्यात खरी रंगत !

गीत	–	ग. दि. माडगूळकर
संगीत	–	सुधीर फडके
स्वर	–	आशा भोसले
चित्रपट	–	जशास तसे
गीत प्रकार	–	चित्रगीत