विहीणबाई विहीणबाई उठा | Vihinbai Vihinbai Utha

विहीणबाई विहीणबाई उठा आता उठा
भातुकलीचा सार्‍या तुम्ही केला चट्टामट्टा !

पसाभर शेंगदाणे, पसाभर गूळ
एकटीनं फस्त केलं लागलं का खूळ?
खादाडखाऊ विहीण म्हणून सारी करती थट्टा !

कुठुन मेलं बाहुलीचं लग्‍न काढलं आम्ही?
विहीण म्हणून नशिबी आलात हो तुम्ही !
बाळी आमची नाजुक तुमचा बाळ्या केवढा मोठा !

सोन्यासारखी लेक दिली आणि फसलो
भिकार्‍याशी नातं जोडुन बसलो !
वरमाईचा पोकळ नुसता पाहुन घ्यावा ताठा !

गीत	–	सुषमा श्रेष्ठ
गीत प्रकार	–	बालगीत