विजयपताका श्रीरामाची | Vijay Pataka Shri Ramachi

विजयपताका श्रीरामाची झळकते अंबरी
प्रभू आले मंदिरी

गुलाल उधळुनी नगर रंगले
भक्तगणांचे थवे नाचले
रामभक्तिचा गंध दरवळे
गुढ्यातोरणे घरोघरी

आला राजा अयोध्येचा
सडा शिंपला प्राजक्ताचा
सनई गाते मंजुळ गाणी
आरती ओवाळती नारी

श्रीरामाचा गजर होउनी
पावन त्रिभुवन झुकते चरणी
भक्त रंगले गुणी गायनी
भक्तियुगाची ललकारी

गीत	–	माणिक वर्मा
राग	–	भूप, नट
गीत प्रकार	–	राम निरंजन, भावगीत